| 中午，International Business。
lobby 遇到 Sayaka，忽然有種「一見如故」o既感覺。
I.B. 無 exam，但係要交兩份 indi assi + 一份 group assi。
一知道唔洗 exam，即時變得好放肆喇；
傾偈、睇雜誌、魂遊太墟，其實都幾 guilty o嫁。
不過人係有墮性o既，又好難怪我o嫁喎 ......（藉口 !!）
break，但放 break 前俾 Kennie 捉住玩 "小遊戲"。
其實係想我地 join 個訓練記憶力o既 course，Sino 真係 ......
最不幸o既係，導師居然向我埋手（覺得我特別蠢？），即時考我記得幾多個 keywords（！！）。
好彩我o係幾秒間都記到一半，總算過關。
後黎導師教左兩個方法，的確係有助記憶o既，但要視乎記乜野o羅。
譬如用返o係 d 瑣碎事 / 日常生活上，或者係有幫助o既；
放番落我地個例子，記打邊爐 d 食物（火鍋料）咪 OK o羅。
但如果記 notes / essay / exam d 野，就唔能夠相提並論了。
就好似唔少人記歌詞都有一手，但又有幾多人記 exam d 野都可以倒背如流呢？
anyway，course 我就無興趣 take o嫁啦，因為我就係上述果種人（！）。
臨尾要填番張 feedback form 先有 break 放，雖然我都想寫得中肯 d，但要留 contact info 喎，所以只好 埋沒良心 寫得婉轉 d o羅。
落堂，TST，The Body Shop。
沙田，UA。
終於睇左《2012》，幾驚要等到 2012 年有機會睇（DVD）呀。
至於感想，當然要趁熱寫啦（雖然已經半 out），唔通真係等到 2012 年先寫咩？
話說本人係末日災難片o既 die-hard fans，所以未睇已經俾左三粒星齣戲了。
其實你同我都知道，呢類電影黎黎去去都係差不多o既角色、情節、結局、背後o既訊息 / 深層意義，但總係覺得要買飛入場先對得住自己呀。
所以我都無期望上述各點會有任何 surprise，我只係期待 CG 方面做得有幾逼真咋。
好彩電影都無令我失望，成個地球搞到四分五裂，差在未爆o嫁咋，好震撼！！
由《The Day After Tomorrow》到《2012》只不過係幾年時間，（製作上）已經去到咁盡，到底下一齣末日災難片仲可以拍乜野？
（我估可能係 3D / 4D o羅，或者可能整到好似 超動感影院 咁掛，who knows？）
演員方面，男主角 Jackson（John Cusack 飾）表現不過不失，未見驚喜。
相反我好鍾意機師 Sasha（Johann Urb 飾），原因好簡單，咪就係 attractive o羅。
成齣戲我會俾 4 粒星，相信仲有進步o既空間o既。（咩評語黎o嫁？咁行！！）
臨尾講些少同齣電影無關o既事，但係就同 UA 沙田 有關的。
話說售票處只有一位職員賣飛，不過事先聲明，我唔係歧視阿嬸做售票員呀下；
但係眼見前面 d 人買完飛後都話張飛唔妥，確實唔到我唔擔心o嫁喎。
首先有人話座位唔o岩（J 行變 G 行），又有人話買 4:10pm 但變左 4:50pm，總之好混亂啦。
果然到我買飛時，我話要 K10（都未講 K11），阿嬸就覆我：K15 呀？
咁我點反應？
我咪即刻開聲o羅，如果唔係就要埋一邊了。
另一點就係戲院本身，得兩間院唔係問題（因為裝修緊），但係 d 位可唔可以整斜 d 呢？
前面果行 d 人遮唔到我呀，但前前面果行遮到呢，真係吹脹！！
搞到我全程都要挺直個身黎坐先睇到（字幕），唔腰酸背痛就奇啦。
總結，有得揀的話，短期內我都唔會再去 UA 沙田 睇戲o嫁啦，就係咁。
|
| |
| 身為 chocolate fans，又點會錯過任何與 chocolate 有關o既事物呢。
首先有推出左一段時間o既 FERRERO Rondnoir（朗莎精緻朱古力），初頭以為都係扮 金莎 o既 假金莎，但食落又覺得比 金莎 更勝一籌喎。
可能因為我鍾情於 chocolate 啦，所以覺得 金莎 入面粒果仁唔太得我歡心。
相反 朗莎 由外到內都係 chocolate，朱古力碎、朱古力威化、朱古力醬、dark chocolate；
總之就係將朱古力做成各種 texture，然後集合於一粒朱古力度，完全正中下懷。
如果純粹鍾意 chocolate 或者 dark chocolate，不妨試下 朗莎，本人 highly recommend。
至於呢一款 cake，係早前途經 CWB IKEA 時發現的。
本來以為係 杏仁餅，但食晒食件 cake 都 feel 唔到丁點杏仁味。
依我所見，呢個應係 朱古力果仁餅。
面層鋪左些少果仁碎，然後以一層黑朱古力、一層白朱古力、一層 chocolate brownie 相間而成。
雖然食落比較甜，但邊個叫我鍾意 chocolate brownie，所以以後去 IKEA 都會幫襯一下。
當然，件 cake 個名係我亂改的。
大家去到 IKEA 時遍尋不獲，就唔好搵我算賬啦 XDD
|
| |
| 終於 claim 番 CEF d 錢，感謝主。
對於我呢個近期等錢洗o既人黎講，簡直有如天降甘露（？），解我燃眉之急。
一向都鍾意 SOFINA，尤其是 VERY VERY UV Cut Milk，特別得我歡心。
（可惜 VERY VERY 冇出 lotion 或者 cream，所以只好投向 RISE o既懷抱。）
但係 香港 o既專櫃已經再冇 VERY VERY 同 RISE o既 product 賣，取而代之o既係 beaute 系列。
而上圖呢枝，係好友 F 由 日本 買返黎o既手信，thanks a lot =]
MilkⅠ係 for oily to combination skin，o岩晒我（combination skin）用。
個人覺得 lotion 滲透得頗快，而且都幾補水，最重要係唔會覺得笠，適合日間傾的。
盒面標價 3100 yen（稅進），藥妝店 通常有 discount，容量 100ml。
再一次多謝 阿 F，黎緊 Christmas 我會識做的了。
|
| |
| 朝早睇 澳門格蘭披治大賽，屋企有 nowTV 但冇 now SPORTS 4，惟有睇 TVB o羅。
TVB 由 東望洋房車賽 開始播，所以 miss 左 太平洋寶馬方程式 同 澳門 GT 盃。
追完 東望洋，當然唔少得壓軸o既 formula 3，既緊張又刺激。
好想睇 formula 1，尤其是 Singapore Grand Pix，night race 絕對係一大 selling point。
雖然我唔識賽車，但係就鍾意睇賽車，希望將來有機會親身到現場睇賽車啦。
* 新 VS 舊 MAYBELLINE Eye & Lip Makeup Remover
化妝緊要，但其實落妝更為重要。
一般卸妝的話，個人首選 DHC Deep Clensing Oil（因為便宜又好用嘛 XDD）；
但卸眼妝 / 唇妝，就要用專門卸 eye & lip o既卸妝油了。
（或者有人會覺得呢個係 common sense，但據我所知，今時今日仲有人會用同一枝卸妝油黎卸晒全臉妝容！！）
需知道眼部同唇部o既肌膚比較脆弱，所以千祈唔好一枝卸妝油走天崖呀。
以開架貨黎講，MAYBELLINE 出品o既 Eye & Lip Makeup Remover 係一個唔錯o既選擇。
連出名難卸o既 Majolica Majorca 都卸到（但為求安心，我通常會卸幾次的），相信用黎卸一般 waterproof o既 mascara 都無問題。
售價 $59 / 90ml（舊版 $35 / 70ml，但應該絕左版），各大 Sasa、卓悅、Watsons 有售。
|
| |
| 升 bachelor 以黎第一次返朝早堂，好眼訓呀。
9am 返到 Sino，room 303。
Consumer Behaviour，lecturer 係 Eric Lau。
點名時 Eric Lau 第一次係叫 Winnie Tang o嫁，點知佢下一句已經叫番 雲妮，唉。
不過好彩 Consumer Behaviour 冇 Internation Business 咁悶，只係坐o係我地前一排o既同學比較麻煩啦。
落堂，同 Money & Chris 去 TST 食 lunch。
輕鬆一下（店名），傾密偈，what a good time !!
感謝 Money o既意見，或者係時候要改變一下 ......
 
試埋另一款 flavour，義美巧克力蛋糕。
同樣地，一打開盒就聞到朱古力味，好吸引。
由於我係 chocolate fans，當然覺得 巧克力蛋糕 比 芝士蛋糕 好味啦。
不過 義美 o既蛋糕的確色香味俱全，另外仲有 蜂蜜蛋糕，SOGO 有售。
|
| |
